Rim Ben Driss ريم بن دريس

ابتسم فابتسامتك من الحياة قاوم بضحكتك الزمان وغن لحنا وتفاءل خيرا فوجودك لا معني له ان لم تحب الحياة لا تترك للدموع المجال وللحزن المكان حرر نفسك من وقع الايام وانبض بقلبك حبا و عشقا دائما الحب هو الحياة والعشق هو الحياة ابتسم محبا عاشقا واضحك فالمرايا ستبتسم لك والورود وكل شيء يصبح جميلا متي ابتسمت    

كا ن حبي مستحيل والدنيا لكل تقلي انساه وانسي عشقك وانسي هواه اما كيفاش ننسي روحي كيفاش نتنفس كيفاش نعيش وانا تربيت علي حبي ليه حبي مستحيل صحيح ما نيش بش نعيش معاه ما نيش بش نفيق علي صوته ما نيش بش نشوفو كل يوم و ما نيش بش نعدي الايام معاه الصيف بش يتعدي ومانيش بش نغزر للقمرة معاه علي البحر الخريف يجي وما نيش بش نري غزرة عينيه ويجي الشتا ونبرد وحدي وهو مع حب اخر دافي الربيع يدق البيبان وما هوش بش يجيبلي وردة ويقلي انا عاشق ولهان نعرف الي كل شي مسكر قدامي نعرف الي انا نحلم لكن الحب اللي في قلبي منجمش نعطيه لراجل ثاني

لا معادش بش نخبي معادش بش نسكت ونسكت القلب اللي جرحتو لا معادش بش نخاف بش نولي نحكي نحكي بيك وعليك نحكي علجمرة اللي كويتني بيها عالغدرة اللي كافيتني بيها معادش بش نسكت بش نحكي عالكاس المر اللي دقته ونحكي عالي تكسر علي يديك نحكي علي ظلمك وانا كنت كالزهرة دبلت من كثر القهرة علي الحب الي قتلته ونحكي عالشموع اللي دابو بش نحكي ما نيش بش تنسكت الي ذاق العنف من غير سبب يحكي واللي تسب من غير سبب لازمو يشكي واللي تهان و تضرب ما يسكتش ينطق يهرب اما ما يسكتش يزي ماتمرميد والغصة يزي مالوجيعة خليت واحد يدوس  علي صحيح اما منكملش معاه الثنية انا نطقت وعرفتو حكايتي وانت يا مرا يا ديامونطة بين النسا ما تخليش روحك تتهان و ما تسكتش عالظلم من مهما كان واتكلم واحكي وابعد كرامتك ما تصونها كان بيدك