Rim Ben Driss ريم بن دريس

نكتب علي الورقة البيضة تجيني الأفكار ونلقي روحي في بحر كبير نعوم نعوم وتهزني الموجة لبر بعيد كل كلمة هي من قلبي المعبي بالحب والحنين وكل جملة هي تحكي علي حب قديم حبي الاول والأخير الحروف تتجمع وتولي كلمة وكلمة مع كلمة تولي جملة وجملة بعد جملة تولي قصيدة أنا الشاعرة الي تحكي علي وعليكم الي تحب الحياة والي تحب ترجعلكم التبسيمة رغم غدر السنين وأنا الي نحس بيكم وبوجيعتكم ونحاول نشفيكم بكلام حلو جميل أنا الشاعرة الي تحبكم والي ما تنساش ودكم انا الي مانعودش الكلام مرتين هذه القصيدة ليكم هذا الشعر عليكم انا شاعرة من تونس انا ليكم وانتوما لي لا أنا نجم نكتب إلا علي خاطركم ونقول الكلام ليكم انتوما الهامي وانا عليكم نحكي وبيكم نعيش  

  قريت في مدارسك وتعلمت كل يوم نحبك انت اليوم وانت غدوة وأنا بحبك نبوح يا عالية وقدرك عالي نمشي في شوارعك ونشرب من عيونك انت الي ما نشبع منك ترابك غالي وحبك غالي ديما في بالي يا تونس ديما خضرا وديما حبك ساكن في قلبي مزروع كي شجرة متتقلعش حبك قوي ما يضعف ش كالجبل العالي حبك في الروح ساكن مانبعد عليك وكان نبعد نرجع نبوس ترابك ونشم ريحة الريحان وما ننساك انت العشق انت الحب يغنيو عليك غنايات ومواويل يحكيو عليك وعلي قدرك العالي ديما علمك يرفرف لفوق وديما نقول نموت نموت وتحيا تونس انت الكل في الكل انت تاج علي ريوسنا وديامونط يلمع انت النجمة والهلال انت اللون الأحمر في علم مرفوع ديما عالي   

  انا كلمة ما تسكتش انا نجمة ما تطيحش انا صفحة ما تتطواش انا كتاب لكلو كلام انا وردة ما تذبلش انا شمعة ما تطفاش انا حب ما يموتش انا قلب ديما نابض انا دار ما تفرغش انا قلم ديما يكتب انا حلمة تتحقق انا ذاكرة متتنساش وانا عقل يفكر وانا طبيب يداوي وانا مدرسة تقري وانا جندي يدافع وانا حرية ترافع وانا عشق الناس وانا ذهب معير وانا نسمة ما تتنحاش وانا علم ما يسقطش هلال ونجمة ديما منورين وانا ضحكة الصغاروالكبار يحطوني في عينيهم انا تونس البية انا تونس https://www.youtube.com/watch?v=OFRR00h0lP0