ما تقوصوليش جوانحي
ما تقوصوليش جوانحي خليوني نطير ما بين الغيم والغيم تتبل عروقي بالمطر والخير ننبت ونزهر في ارضي ونهدي الورد لاحبايبي واهلي ما تحطوليش حدود خليوني حرة بلا قيود انا لي احلامي ما لها حدود ما تقوصوليش جوانحي خليوني نطير من حلمة لحلمة حتي نلقي طريقي نطلع للسماء وما نطيح ما تسكتوش الضحكة ما تقتلوش الحلمة الريش في جوانحي قلعتوه تنبت منو الف حكاية وما تموت الضحكة الي من القلب ما تقوصوليش جوانحي