Rim Ben Driss ريم بن دريس

  توا راجع بعد ما كلةشيء وفي والحب الي في قلبي طفي كالشمعة الي تذوب بعد الي تضوي عليك هكا حبي ليك مشي وتنحي من قلبي قلعتو من عروقو   لواه راجع   توا كي نسيت الوجيعة توا كي قلبي برد عليك وتخمامي معادش فيك نسيت الجرح الي خليتوا نسيت الي انت هجرت من غير سبب وقعدت وحدى نلوج عليك وقعدت وحدي نحكي عليك     توا راجع   توا الجرح شفي والدموع نشفت والذكريات تنساو معادش نجم نرجعلك الي غدر مرة ينجم يعاود معادش عندي ثقة فيك توا راجع لا سامحني انا منسيتش الليالي الي ما يجينيش فيها النوم ونصبح للصباح نقول بلكشي يدق الباب نقول بلكشي يطلبني   توا راجع   وانت وين وين كنت نكرت العشرة والعهد وين كنت وقت أنا في حيرة وبلاصتك خليتها كبيرة وين كنت ومع شكون كنت  

نكتب علي الورقة البيضة تجيني الأفكار ونلقي روحي في بحر كبير نعوم نعوم وتهزني الموجة لبر بعيد كل كلمة هي من قلبي المعبي بالحب والحنين وكل جملة هي تحكي علي حب قديم حبي الاول والأخير الحروف تتجمع وتولي كلمة وكلمة مع كلمة تولي جملة وجملة بعد جملة تولي قصيدة أنا الشاعرة الي تحكي علي وعليكم الي تحب الحياة والي تحب ترجعلكم التبسيمة رغم غدر السنين وأنا الي نحس بيكم وبوجيعتكم ونحاول نشفيكم بكلام حلو جميل أنا الشاعرة الي تحبكم والي ما تنساش ودكم انا الي مانعودش الكلام مرتين هذه القصيدة ليكم هذا الشعر عليكم انا شاعرة من تونس انا ليكم وانتوما لي لا أنا نجم نكتب إلا علي خاطركم ونقول الكلام ليكم انتوما الهامي وانا عليكم نحكي وبيكم نعيش  

أحببتك بكل صدق كنت نجمتي التي تلمع في السماء كنت قمري يضوي ليالي كنت شمسي تقبل مشرقة في الصباح كنت موجة البحر العاتية تحملني إلي شطآن العشق كنت المطر الذي يسيل بعد الجفاف فتزهر الحقول وتونع الزهور   كنت حبا أسكنته في قلبي وتربع علي عرش فؤادي كنت صباحي ومسائي كنت أيامي وليالي كنت الحب والعشق نعم أحببتك بصدق وكنت أظن أنك مثلي وخاب ظني وانتهت قصة حبنا كنت تائهة فيك فنسيت نفسي والآن سأصبح أنانية ولن أحب إلا نفسي لن أنتظرك سأمضي في طريقي وتعود لي ابتسامتي وأحيى من جديد