ربي يفضل كل ام

 

هي الحقيقة متنجم تكون كان مرة

شكون يحب يسمعها

شكون يحب يقولها

شكون يحارب ويلوج عليها

ويطلع كان لزم للسما

ويفركس عليها

كان انت بنادم

ابن ادم بالعربية

وبالاحري

ابن حوا

خاطر هي اللي جابتك

ومن سدرها رضعتك

هي الي تعبت عليك كي مرضت

وهي الي تحارب عليك كان طحت

هي الي ما تقولش تعبت

وهي هازتلك القفة

وهي الي تعمل روحها ما سمعتش

كي تقوللها فديت

الحقيقة ماهيش حلوة ساهلة

الناس الي تلوج عليها

يسهرو الليالي

وينساو النوم الغالي

وقتاش  الناس تحب تفهم

الي انت مديون بعمرك ليها

وحتي شيء ما يسوي كان ما ترضي علينا

في الدار كل ام تصلي عالنبي علي ولادها

وكل ام ما تهني كان ما تري احفادها

ربي يفضل كل ام كافحت باي طريقة

وردت صغيراتها شمعات يضويوا عليها