احنا ماناش ملايكة
زعما نراك نهار وانا ماشية
زعما نري عينيك الي حبيت غزرتهم
ونري تبسيمتك الي ترجع في الروح
انا ضايعة توا ومنعرفش نخمم كان فيك
انا لي ظلمتك وانت ما عمتلي شيء
انا لي حبيتك بكل ما عندي
وما ستنيت شيء
انا اللي تقهرت كي عرفتك موش لي
وعينيك وتبسيمتك ما هومش متاعي
الدنيا هزتني وما سلمتش
ديما نرجعلك
كالبحر الهايج الي يرجع للشط
زعما نشوفك مرة بالصدفة ونكلمك ونقولك كل شيء
حتي الي ما قلتوش لروحي
نقلك الي احنا موش ملايكة
ونجمو نغلطو
وانا مسامحتك دنيا واخرة
موش ذنبك في حتي شيء
انا لي حبيت حاجة موش لي
وحبيت الحب يقعد لي
سامحني علي كل شيء
سامحني علي الايام الي قعدت فيها نخمم فيك
والأحلام الي كنت انت فيها
سامحني علي غشي عليك
علي قهرتي بلاش بيك
سامحني علي قلبي المسكين
الي تعب من قولة انت وين
سامحني علي الدموع الي منشفتش
ما عاندي منقول غير سامحني
سامحني
تعليقات