يا ربي هون علي الي هنت عليه
تتخبي الشمس مني وراء السحاب
وانت تخبيت مانعرف عليك وين
كيما الشمس كي تغيب وتخلي الليل
لوجت عليك ما لقيتك
لواه بعد العشرة نهون عليك
زعما ماكنتش باهية معاك
زعما ماكنتش انا احلي واحدة في عينيك
وكنت تتربج بي وتدلل علي
القمرة كي تظهر نتذكر ك ونتحسر
والنجوم شاهدة علي
ما غمضتلي عين
نشعل شمعة تذوب حتي للخر
ونتذكر ايام العشرة الي هانت عليك
موش شهر موش ثنين
حكايتنا طويلة منجمش نحكيها
قلت تو تفيق تو ترضي
زايد الي نكر العشرة ونكر الجميل
موش لازم نقعد هكا نستنا
ننساك والايام تداويني
ماعندي كان ربي نشكيله
و
ندعيلو
خلي يخفف علي
يا ربي هون علي الي هنت عليه
ونسيني فيه
تعليقات