لواه حبيتني ولواه كل شيء وفي
كيفاش نسيتني في ايامات
وانا لي عديت معاك سنوات
كنت تقلي نحبك
وكنت تقول لي محلاك
وكلام حلو
ما نسيتش منو حتي كلمة
موش انا القمرة الي تضوى عليك
موش انا النجمة في لياليك
موش انا الشمس الي تطلع في الصباح ليك
موش انا الياسمين الي يفوح مع البسمة
والضو لي ينور عليك
موش كنت الحلمة في منامك
والأمل الي يجري في شريانك
موش كنت الطير الي يغنيلك موالك
والحب الي ساكن في حياتك
موش كنت العشق الي ما يتنساش
والحنان الي ما يوفاش
زعما الكلام هذا نسيتو
انتي لي قلتو
وانا صدقتو
منصدقش ألي كنت تكذب علي
والكلام طار في الثنية
و تنسي
لواه حبيتني
ولواه كل شيء وفي
تعليقات