وطني تونس
وطني تونس
نحبك وما نبعد عليك
نشم ترابك
ريحة القرنفل والياسمين
ريحة العطرشية والزهر
تفوح في كل مكان
وديان وأنهار
وماك يروي العطشان
نمشي في انهجك
نري الماضي
مجد الشجاعة
مجد الهيبة
شكون يجيك
وينساك
انت قلب يدق
وبسمة علي الفم
انت وشم في الذاكرة
وانت عشق كل التوانسة
حبك من الإيمان
وعشقك قصة ما توفاش
انت لي تعلمت في مدارسك
وقريت في معاهدك
أنا الي حاطتك فوق راسي
وحتي حاجة ما تغلي عليك
أنا نحبك وأنا كلي ليك
كي نبعد عليك
نتوحشك
ونرجعلك ديما
انت الحب والعشق
انت ديما في البال
وهواك في الفؤاد
نسمتك وريحتك
في مخي ماتنساش
انت الي زرعتني
في غرامك
شجرة زيتون
ماتتقلعش
عروقها غارقة في ترابك
يا تونس
مهما تكلمت عليك
ومهما قلت
ما يكفيش
انت مزاياك علينا
انتي لي اعطيتنا
أرضك
وعطيتنا حبها
لكلنا متشاركين
بش نحميوها
يا تونس
انت جنة
فوق الأرض
كل شيء عندك
غابات جبال وديان
صحراء و واحات
بحورات وبحيرات
سماك لونها يعرفوها
الرسامين
ونورك يضوي علي
المساكين
لكلنا في حبك
نموت
وتحيا تونس
تعليقات